Ամերիկացի վիրաբույժ Էվան Գոլդշտայնը զգուշացրել է աշխարհում արագ տարածվող քաղցկեղի տեսակներից մեկի ախտանիշների մասին։

Նրա խոսքերն է մեջբերել «New York Post»-ը։

Գոլդշտայնն ասել է, որ իրեն անհանգստացնում է ամեն տարի հետանցքի քաղցկեղի նոր դեպքերի աճը։ Նա նշել է, որ դեպքերի 90 տոկոսում հիվանդությունը պայմանավորված է մարդու պապիլոմավիրուսով (HPV)։

Բժշկի խոսքով՝ այս վիրուսի որոշ շտամներ դրսևորվում են գորտնուկների նման գոյացությունների տեսքով։ «Դրանք կարող են ցավոտ լինել, քոր առաջացնել և արյունահոսություն առաջացնել», - բացատրել է նա։ Եթե նման ախտանիշներ են ի հայտ գալիս, ինչպես նաև եթե փոխվում են ձեր սովորական զուգարանային սովորությունները, պետք է դիմել բժշկական օգնության։

Գոլդշտեյնը հավելել է, որ երբեմն HPV-ն ասիմպտոմատիկ է, բայց այն փոխում է բջիջները՝ ստիպելով դրանք վերածվել չարորակ բջիջների։ Սակայն, նույնիսկ այս դեպքում, մարդը կարող է երկար ժամանակ անհարմարություն չզգալ, ուստի վիրաբույժը խորհուրդ է տվել պարբերաբար զննումներ անցնել, իսկ երիտասարդներին՝ պատվաստվել HPV-ի դեմ։