ԱՄՆ Ներկայացուցիչների պալատը հաստատել է նախագահ Դոնալդ Թրամփի առաջարկած օրինագիծը, որը նախատեսում է հարկերի կրճատում։
Սա նաև հնարավորություն է տալիս պետական պարտքի շեմի բարձրացում ավելի քան 4 տրիլիոն դոլարով։
Հուլիսի 3-ին Կոնգրեսի 218 անդամ աջակցել է փաստաթղթին, իսկ 214-ը՝ դեմ։ Դեմոկրատների հետ նաև երկու հանրապետական օրենսդիր է դեմ քվեարկել։
Թրամփը որոշել է օրենքը ստորագրել հուլիսի 4-ի՝ ԱՄՆ Անկախության օրվա երեկոյան։
Օրինագծով նախատեսվում է կրճատել հարկերը, ավելացնել ներգաղթային ծառայությունների ֆինանսավորումը և նվազեցնել Medicaid ծրագրին տրամադրվող հատկացումները, որն օգնում է վճարել աղքատների, հաշմանդամների, անապահով ընտանիքների երեխաների և այլ սոցիալապես խոցելի անձանց բժշկական ծախսերը։ Դրանով նաև նախատեսվում է ավելացնել պաշտպանության ծախսերը, հատկապես՝ «Ոսկե գմբեթ» հակահրթիռային պաշտպանության համակարգի մշակման համար։