Ադրբեջանի նպատակն է անջատել Արցախն ու Հայաստանը, կուլ տալ Արցախը, հետո Հայաստանը․ այդ աշխատանքը զուգահեռ կատարվում է։ Սա ցույց է տալիս, որ մենք առանձին-առանձին չենք կարող մեր խնդիրները լուծել։ Այս մասին այսօր Ազատության հրապարակում ընդդիմության քարոզարշավի ժամանակ իր ելույթի ընթացքում ասաց Հայաստանի առաջին վարչապետ Վազգեն Մանուկյանը։
«Արցախի ժողովուրդը կանգնում է տեղում ու պայքար հայտարարում, ուժ է ցուցադրում, չի գնում գայթաղկությանը, որ Ադրբեջանի ճանապարհով իրեն հաց բերեն, ասում է՝ սոված կմնամ, բայց էդ ծուղակը չեմ ընկնի։ Ադրբեջանի ծրագիրը երկու պետությունների ոչնչացում է պահանջում»,-ասաց նա։
Մանուկյանի խոսքով՝ միջազգային հանրությունից ոչինչ սպասել պետք չէ, քանի որ խնդիրը Երևանում է լուծվելու։
«Մենք պետք է հարցը որոշենք, եթե Արցախի նման պինդ լինենք, աշխարհը մեզ հետ հաշվի կնստի։ Էս մի-երկու հանրահավաքը հարց չի լուծում, ազգային, ժողովրդական շարժում է պետք»,-նշեց Մանուկյանը։
Մանրամասները՝ տեսանյութում