Դրամի փոխարժեքը՝ այսօր
Եղանակը՝ այսօր
Միջազգային

Նեթանյահուն ԱՄՆ-ին համոզել է Իրանի միջուկային ծրագրի հարցում, երբեք չենք ձգտել ստեղծել միջուկային ռումբ․ Իրանի նախագահ

Blog Image

ԱՄՆ-ի հետ հակամարտության դեպքում Իրանը չի ծրագրում օգնություն խնդրել Ռուսաստանից կամ Չինաստանից, Թաքեր Կարլսոնի հետ հարցազրույցում ասել է Իրանի նախագահ Մասուդ Փեզեշկիանը։

«Մենք բավականին ընդունակ ենք պաշտպանվելու և մեր երկու ոտքերի վրա կանգնելու և մեր երկիրը, մեր տարածքային ամբողջականությունը պաշտպանելու համար»,- նշել  է երկրի ղեկավարը։

Պեզեշկիանը նաև հերքել է ԱՄՆ նախագահ Դոնալդ Թրամփի դեմ մահափորձերին Իրանի մասնակցության մասին մեղադրանքները։

«Իրականում, սա է այն, ինչ Նեթանյահուն փորձում է ակնարկել և ստիպել ձեր ժողովրդին կամ ձեր երկրի նախագահին հավատալ»,- ասել է նախագահ։

Նրա խոսքով՝ Իսրայելի վարչապետ Բենյամին Նեթանյահուն ունի իր սեփական օրակարգը։ «Նա ցանկանում է ԱՄՆ-ին ներքաշել անվերջ պատերազմների մեջ և ամբողջ տարածաշրջանում ավելի շատ անկայունություն, քաոս և անկարգություններ բերել», - ընդգծել է Իրանի նախագահը։

Փեզեշկիանն ընդգծել է, որ Նեթանյահուն ԱՄՆ-ին համոզել է Իրանի միջուկային ծրագրի հարցում։

«Մենք երբեք չենք ձգտել ստեղծել միջուկային ռումբ՝ ո՛չ անցյալում, ո՛չ ներկայում, ո՛չ էլ ապագայում», - ասել է Իրանի նախագահը, նշելով, որ դա հակասում է իսլամի կրոնին։

Send