Ես վստահ եմ, որ Արցախը կորցնելով մենք Հայաստանն ենք կորցնելու։ Այս մասին երկու երեք տարի առաջ ենք դեռ խոսել։ Շատ մարդիկ ասում էին՝ Արցախը տանք, հանգիստ ապրենք, հիմա տեսնում ենք, թե ամեն օր ինչ է լինում։ Այս մասին այսօր Ազատության հրապարակում ընդդիմության հանրահավաքի ժամանակ ասաց «Հայրենիք» կուսակցության նախագահ, ԱԱԾ նախկին ղեկավար Արթուր Վանեցյանը։
«Սա նոր պայքար չէ, մեր պայքարը չի ավարտվել, շարունակական պայքար է, որը պետք է անենք մեր մեծ հայրենիքի համար՝ Արցախի և Հայաստանի համար»,-ասաց նա։
Վանեցյանի խոսքով՝ իրենք երբեք չեն խուսափել իրենց սխալներն ընդունել, բայց պետք է նաև գիտակցել, որ նույն ժամանակ իշխանությունն առանց կարմիր գծերի պայքարում է աթոռը պահելու համար։
«Եթե նորմալ մարդ լինեին, ամոթ, նամուս, թասիբ ունենային այսօր իշխանությունից կհրաժարվեին»,-նշեց Վանեցյանը։
Մանրամասները՝ տեսանյութում