Սիրիայի դե ֆակտո առաջնորդ Ահմեդ ալ-Շարաան հայտարարել է, որ երկիրը հյուծված է պատերազմից, և որ սպառնալիք չէ իր հարևանների կամ Արևմուտքի համար:
BBC-ին տված հարցազրույցում նա կոչ է արել չեղարկել Սիրիայի նկատմամբ պատժամիջոցները։
«Այժմ, այն ամենից հետո, ինչ տեղի ունեցավ, պատժամիջոցները պետք է հանվեն, քանի որ դրանք ուղղված էին հին ռեժիմի դեմ, չպետք է նույն կերպ վարվել զոհի և ճնշողի հետ»,- ասել է նա Դամասկոսում տված հարցազրույցի ժամանակ։
Նա ասել է, որ «Հայաթ Թահրիր ալ-Շամը» պետք է հանվի ահաբեկչական կազմակերպությունների ցանկից: Այն ճանաչվել է ՄԱԿ-ի, ԱՄՆ-ի, ԵՄ-ի և Մեծ Բրիտանիայի կողմից, ի թիվս այլոց, քանի որ այն սկիզբ է առել է որպես մասնատված խմբավորում «Ալ-Քաիդայից», որից դուրս է եկել 2016 թվականին:
Շարաան ասել է, որ ՀԹՇ-ն ահաբեկչական խմբավորում չէ:
Ընդդիմության առաջնոդրը նշել է, որ իրենք չեն թիրախավորել խաղաղ բնակիչներին կամ քաղաքացիական տարածքները: Իրենք իրենց համարում են Ասադի ռեժիմի հանցագործությունների զոհ։
Նա հերքել է, թե ցանկանում է Սիրիան վերածել Աֆղանստանի տարբերակի։
Շարաան ասել է, որ երկրները շատ տարբեր են, տարբեր ավանդույթներով: Աֆղանստանը ցեղային հասարակություն է եղել: Սիրիայում, նրա խոսքով, այլ մտածելակերպ է եղել։
Նա նշել է, որ հավատում է կանանց կրթությանը:
«Մենք Իդլիբում համալսարաններ ունենք ավելի քան ութ տարի»,- ասել է Շարաան՝ նկատի ունենալով Սիրիայի հյուսիս-արևմտյան նահանգը, որն ապստամբների վերահսկողության տակ է եղել 2011 թվականից ի վեր: «Կարծում եմ՝ բուհերում կանանց տոկոսը 60%-ից ավելի է»։
Իսկ այն հարցին, թե արդյոք կթույլատրվի ալկոհոլ օգտագործելը, Շարաան ասաց. «Շատ բաներ կան, որոնց մասին ես ուղղակի իրավունք չունեմ խոսելու, քանի որ դրանք իրավական խնդիրներ են»:
Նա հավելել է, որ լինելու է «իրավաբանական փորձագետների սիրիական կոմիտե՝ սահմանադրություն գրելու համար»: «Նրանք կորոշեն: Եվ ցանկացած ղեկավար կամ նախագահ պետք է հետևի օրենքին»: