Մարտի 29-ին, ժամը 14:59-ին Կոտայքի մարզային ճգնաժամային կառավարման կենտրոն ահազանգ է ստացվել, որ Հրազդան քաղաքի «Մամաներ» կոչվող թաղամասում՝ այրվում է անասնակեր։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է թիվ 587 տան բակում։

Հրդեհը մեկուսացվել է ժամը 15։37-ին, մարվել՝ 17։18-ին: Այրվել են մոտ 150 հակ անասնակեր և խորդանոցը (մոտ 6 քմ)։