Վերաքննիչ դատարանը մերժեց. պաշպանության նախկին նախարար Դավիթ Տոնոյանը կշարունակի մնալ կալանքի տակ: Այս մասին այսօր MediaHub.am-ին փոխանցեց Տոնոյանի պաշտպան Սերգեյ Հովհաննիսյանը։
«Գրավի միջնորդություն էինք ներկայացրել։ Բնակարանը գրավի դիմաց առաջարկվել էր, մերժվել էր առաջին ատյանի կողմից։ Վերաքննիչում բողոքարկվել էր, սկայն վերաքննիչն էլ մերժեց»,-ասաց նա։
Հիշեցնենք, որ 2021 թվականի սեպտեմբերի 30-ին ԱԱԾ քննչական դեպարտամենտում հարուցվել էր քրեական գործ՝ ռազմամթերքի ձեռքբերման գործընթացում ենթադրյալ չարաշահումների, մասնավորապես, անորակ, անպիտան հրթիռներ ձեռք բերելու վերաբերյալ։ Քրեական գործի շրջանակներում մեղադրանք է առաջադրվել յոթ անձի, այդ թվում՝ ՊՆ նախկին նախարար Դավիթ Տոնոյանին։