ԱՄՆ-ը նոր պատժամիջոցներ է սահմանել Իրանի դեմ: ԱՄՆ ֆինանսների նախարարությունն իր տարածած հայտարարության մեջ նշում է, որ պատժամիջոցների ցանկում ներառել է 7 իրանական կազմակերպություն՝ «Ուկրաինայի դեմ ռուսական անօդաչու թռչող սարքեր ուղարկելու պատճառով»։
Ավստրալիան ևս պատժամիջոցներ է սահմանել Իրանի 16 ֆիզիկական անձանց և կազմակերպությունների նկատմամբ: Դրանք ներառում են ճանապարհորդության սահմանափակումներ և ակտիվների սառեցում 16 իրանցի անձանց և կազմակերպությունների, այդ թվում՝ Իրանի բանակի ղեկավարի և դիմադրության ուժերի նշանավոր դեմքերի նկատմամբ:
Եվրամիությունն իր հերթին, պատժամիջոցներ է սահմանել Իրանի ավիաշինական արդյունաբերական ընկերության (IAMI) նկատմամբ։