Սյունիքի մարզի Աճանան գյուղի մոտ ադրբեջանցի զինծառայողին վնասազերծած երիտասադներին՝ Գոռ Օհանջանյանին եւ Լեւոն Հայրապետյանին նախօրեին հրավիրել են ՀՀ Ազգային անվտանգության ծառայություն եւ հարցաքննել: Այս մասին NEWS.am-ի հետ զրույցում ասել է Գոռ Օհանջանյանը:

Նա նշել է, որ իրենց դեպքի մանրամասներն են հարցրել, իրենք էլ պատմել են այն, ինչ լրատվամիջոցներին են հայտնել:

Նա նշել է, որ ադրբեջանցուց առգրաված հեռախոսը տեսել են ԱԱԾ-ում եւ նորից պնդել, որ այն պատկանում է սպանված 57-ամյա պահնորդին:

Նշենք, որ ԱԱԾ-ն մինչեւ հիմա դեռ չի հայտնել քրեական վարույթ հարուցելու մասին: