ՌԴ հատուկ հանձնարարություններով դեսպանն այցելություններ է կատարում Բաքու ու Երևան, վերջերս այցելել է Ադրբեջան, մինչ այժմ մեր Երևանի գործընկերները չեն հաստատել նրա այցը։ Ասել է Ռուսաստանի արտաքին գործերի նախարար Սերգեյ Լավրովը։
«Մենքե կանոնավոր բանակցություններ ենք վարում մեր ադրբեջանցի գործընկերների հետ, նրանք հաստատում են իրենց պատրաստակամությունը լուծելու բոլոր հարցերը՝ ըստ ՌԴ-ի, Ադրբեջանի և Հայաստանի միջև ընդունված եռակողմ համաձայնագրերի»,- նշել է Լավրովը։
«Մենք օգնություն ենք ցուցաբերում մեր գործընկերներին տարածաշրջանում հաղորդակցությունների ապաշրջափակման, Հայաստանի և Ադրբեջանի միջև սահմանի սահմանազատման, նաև խաղաղության պայմանագրի փաստացի նախապատրաստման հետ կապված հարցերում»,- հավելել է ՌԴ ԱԳՆ ղեկավարը։