Նոյեմբերի 1-ի գիշերը Արեգակի վրա ուժեղ բռնկում է տեղի ունեցել, հայտնում է Ռուսաստանի գիտությունների ակադեմիայի Տիեզերական հետազոտությունների ինստիտուտի արևային աստղագիտության լաբորատորիան։
«Տեղեկատվություն է ստացվել ամենաբարձր վարկանիշի արևային բռնկման մասին, ըստ աստղադիտակների, պայթյունը եղել է X2.0 գնահատման սանդղակով»,- ասվում է հաղորդագրության մեջ։
Նախնական տվյալներով՝ պայթյունի ժամանակ տեղի է ունեցել չափավոր զանգվածի արտազատում, ծանր մասնիկների ժամանում չի սպասվում, տիեզերանավի համար ռիսկեր չեն բացահայտվում։ Նաև գիտնականները դեռևս կանխատեսումներ չեն անում մագնիսական փոթորիկների վերաբերյալ:
Բացի այդ, ինչպես երևում է լաբորատորիայի կայքի գրաֆիկից, գիշերվա ընթացքում տեղի են ունեցել ևս երկու միջին և մեկ թույլ արևային բռնկում: