Հնդկաստանի բնակիչն օգնել է իր սիրուհուն սպանել ամուսնուն և որոշել է բեմադրել սեփական առևանգումը, որպեսզի շփոթեցնի հետաքննությանը։
Քամալկանտ անունով տղամարդը մահացել է ներքին օրգանների աշխատանքի հետ կապված խնդիրներից։ Որոշ ժամանակ նա բողոքում էր որովայնի ցավերից։ Բուժման ընթացքում պարզվել էր, որ նրա արյան մեջ մկնդեղի եւ թալիումի բարձր պարունակություն կա։ Տղամարդու մահը հատկապես կասկածելի էր թվացել հնդիկ ընտանիքին, քանի որ նրա մայրը՝ Շարլադևին, մահացել էր օգոստոսի 13-ին՝ նմանատիպ ախտանիշներով։ Հոկտեմբերին գործը փոխանցվել էր ոստիկանության քրեական բաժանմունք։ Քննիչները կարծում են, որ Քամալկանտի կինը՝ Կավիտա Շահը, և նրա սիրեկանը՝ Հիտեշ Ջայնը, նրա սննդի մեջ թույն են խառնել։
Տղամարդը, ում ոստիկանությունը կանչել էր հարցաքննության, վախեցել է բացահայտվելուց և փորձել է շփոթեցնել քննիչներին՝ կեղծելով իր առևանգումը։ Նա հանկարծակի անհետացել է և ընկերոջը ձայնային հաղորդագրություն է ուղարկել, որում հայտնել է, որ անհայտ անձինք առևանգել են իրեն, ծեծել և դուրս շպրտել Նասիկ տանող մայրուղու վրա։