Երբեք Երևանի քաղաքային իշխանությունների ընտրությունները այսչափ չեն զուգակցվել, չեն աղերսվել ՀՀ ինքնիշխանության, անկախության, ազատության համար մղվող պայքարի և մարտահրավերների հետ։ Այս մասին այսօր Երևանի քաղաքապետարանի դիմաց անցկացվող հանրահավաքի ժամանակ ասաց ԱԺ ՔՊ խմբակցության ղեկավար Հայկ Կոնջորյանը։
«Երբեք ՀՀ մյուս նախագահներից մեկի խմբակցության ղեկավարը խորհրդարանում հրապարակայնորեն չէր սպառնացել Երևանը արյամբ վերցնել, երբեք Երևանի ընտրություններին մասնակցող ուժերից շատերը այսքան բացահայտ չէին հռչակել, որ գրոհում են Երևանը Հայաստանը վերցնելու համար»,-ասաց Կոնջորյանը։
Կոնջորյանի խոսքով՝ ընդդիմությունն իր ղեկավարների հետ հռչակում են ՀՀ-ն կազմալուծելու ճանապարհային քարտեզ։
«Պետության վախճանը գուժող ընդդիմադիր մունետիկներ, ՀՀ ինքնիշխանությունը աճուրդի հանելուն պատրաստ բիզնեսմեն-չարչի քաղաքական ուժեր, հեղափոխականի պատմուճանը հագած, հաղթանակի օրերին լեզվանի տղեք, որ պարտությունից հետո ձկան պես լուռ էին։ Նպատակը Երևանը չէ, նպատակը Հայաստանն է, Երևանը թիրախ է և այդ թիրախը ընտրված է շեշտակի, ընտրված է Հայաստանի սիրտը, խփում են Հայաստանի սրտին և անցում են Հայաստանը տապալելու իրենց դավադիր ծրագրին»,-ասաց նա։
Մանրամասները՝ տեսանյութում