Իտալիայում արտահերթ խորհրդարանական ընտրություններն ավարտվել են աջ կոալիցիայի հաղթանակով, որը բավականաչափ ձայներ է հավաքել խորհրդարանական մեծամասնություն կազմելու համար. այդ մասին փաստում են երկրի ՆԳՆ-ի տվյալները։
Առաջին անգամ երկրի առաջատար քաղաքական ուժն է դառնում «Իտալիայի եղբայրներ» կուսակցությունը՝ Ջորջիա Մելոնիի գլխավորությամբ (26 տոկոսից ավելի)։
Իտալիայի նախկին վարչապետ Սիլվիո Բեռլուսկոնիի «Առաջ, Իտալիա» կուսակցույթունը հավաքել է ձայների շուրջ 8 տոկոսը։ Բեռլուսկոնին ընտրվել է Սենատի անդամ։
85-ամյա քաղաքական գործիչը հաղթել է Լոմբարդիայի շրջան միամանդատ ընտրատարածքում՝ հավաքելով ձայների մեծամասնությունը։ Չի բացառվում, որ նա դառնա Սենատի նախագահ։