Հունգարիան արգելափակել է Եվրամիությանը (ԵՄ) Ուկրաինայի անդամակցության շուրջ բանակցությունների առաջին բլոկի բացումը։ Այս մասին հայտնում է լեհական RMF24 ռադիոկայանը։
Լրագրողների փոխանցմամբ՝ փետրվարի 14-ին Եվրախորհրդում նախագահող Լեհաստանը նամակի նախագիծ է ներկայացրել «Հիմունքներ» բանակցային բլոկի բացման պայմաններով։ Մասնավորապես, նրանք պատրաստվում էին Կիևից պահանջել ստեղծել «ճանապարհային քարտեզներ» պետական կառավարման և օրենքի գերակայության բարեփոխումների իրականացման համար։
Սակայն Հունգարիայի իշխանությունները վետո են դրել փաստաթղթի ուղարկման վրա։ Բուդապեշտը հայտարարել է, որ առաջին հերթին Ուկրաինայի ղեկավարությունը պետք է լրացուցիչ ծրագիր մշակի երկրում բնակվող ազգային փոքրամասնությունների ներկայացուցիչներին պաշտպանելու համար։
Հոդվածում նշվում է, որ Ուկրաինայի եվրոպական և եվրաատլանտյան ինտեգրման հարցերով փոխվարչապետ Օլհա Ստեֆանիշինան հայտարարել է այս տարվա ապրիլին ԵՄ-ին միանալու բանակցությունների առաջին բլոկը բացելու իշխանությունների ցանկության մասին։ Նրա խոսքով՝ Կիևը մտադիր է բանակցությունների ևս երկու բլոկ բացել հունիսին, իսկ մնացած երեքը՝ 2025 թվականի երկրորդ կեսին։ Ավելին, հուլիսի 1-ից Դանիան Լեհաստանից կստանձնի Եվրոպական խորհրդի նախագահությունը։
Ստեֆանիշինան պարզաբանել է, որ «Հիմունքներ» բլոկը ամենակարևորն է Ուկրաինայի իշխանությունների համար, քանի որ այն վերաբերում է օրենքի գերակայությանը։
«Դա շատ լավ կառուցում և միավորում է պետությունը այն առանցքային ուղղությունների շուրջ, որոնցով երկիրը կշարժվի պետական կառավարման, ինստիտուտների գործունեության, հակակոռուպցիոն քաղաքականության առումով»,- պարզաբանել է նա։