Թուրքիայի նախագահ Ռեջեփ Թայիփ Էրդողանը հայտարարել է, որ դրական է գնահատում ԱՄՆ-ից, Ռուսաստանից և Ուկրաինայից եկող ազդանշաններն ուկրաինական կարգավորման հեռանկարների վերաբերյալ ու չի կորցնում խաղաղության հույսը։
«Մենք, իհարկե, չենք կորցրել խաղաղության հույսը և չենք ուզում կորցնել այն: Վերջերս [Վոլոդիմիր] Զելենսկիից լսեցինք, որ պատրաստ է հանդիպել մեզ կես ճանապարհին, եթե լինի բանակցությունների համապատասխան առաջարկ: Մենք ողջունում ենք [ԱՄՆ նախագահ Դոնալդ] Թրամփի և [Ռուսաստանի նախագահ Վլադիմիր] Պուտինի ազդանշաններն այս թեմայով»,- ասել է Էրդողանը լրագրողներին իր ասիական շրջագայության մեկնարկից առաջ, որի ընթացքում նա կայցելի Մալայզիա, Ինդոնեզիա և Պակիստան, գրել են ԶԼՄ-ները։
Թուրք առաջնորդը հիշեցրել է, որ «Թուրքիան մնում է երկիր, որը կարող է անկողմնակալ <...> շփվել հակամարտությունում ներգրավված երկրների բոլոր առաջնորդների հետ և իրականացնում է «խաղաղության դիվանագիտություն»։ «Մենք փորձում ենք այնպես անել, որ ոչ մի արցունք, ոչ մի կաթիլ արյուն չթափվի: Թող նրանք [հակամարտող կողմերի առաջնորդները] պարզապես հանդիպեն և բանակցեն: Մենք հույսը չենք կորցնում»,- հավելել է Էրդողանը: