Կան բազմաթիվ մարդիկ, ովքեր ոչ մի քաղաքական թիմի անդամ չեն, չեն մասնակցել հանրահավաքների և մեղադրվում են տարբեր արարքների մեջ և այդ մարդիկ նույնպես կալանավորվում են։ Այն ծախսերը, որ տնային կալանք լինի, էլեկտրոնային ձեռնաշղթա կամ չգիտեմ մի այլ բան, բա ինչո՞ւ համար են արվում։ Մենք պարտավոր ենք պատասխանել ժողովրդի հարցերին և այսպիսի հարցադրում ունենք այսօր. եթե պաշտոն զբաղեցնող համայնքապետեր իրար վրա կրակում են, որից հետո չեն կալանավորվում, այսինքն կրակ բացող մարդիկ չեն կալանավորվում, ովքեր ուղիղ վտանգ են ներկայացնում, ապա ինչո՞ւ է 16 տարեկանը միտինգին իրեն մի քիչ վատ պահելու համար կալանավորվում։ Այս հարցը ԱԺ-ում 2024 թվականի պետական բյուջեի քննարկման ժամանակ բարձրացրեց «Հայաստան» խմբակցության պատգամավոր Գեղամ Նազարյանը։
«Փաստերով փորձեմ ապացուցել, որ ձեր կարծիքը սուբյեկտիվ է։ Նախկինում չբացահայտված գործեր հիմա սկսել են բացահայտվել և դրա համար խափանման միջոցները շատ են։ Այն, որ դատարանը անկախ է, ապացուցում է նաև այն, որ մեր քաղաքական թիմի ներկայացուցիչներն էլ են կալանավորվում։ Ձեր կարծիքով կարող է լինել սխալ կալանավորում, իմ կարծիքով կարող է լինել ճիշտ կալանավորում, բայց օրենքն այն է, որ դատավորն է որոշում»,- պատասխանեց ՀՀ արդարադատության նախարար Գրիգոր Մինասյանը։
Մանրամասները՝ տեսանյութում
- Երևան 25.1°C
- $382.56
- €446.43
- ₽4.76