ԱՄԷ-ի իշխանությունները Netflix-ից պահանջել են հեռացնել երեխաների համար վիրավորական բովանդակությունը։ Ինչպես հայտնում է Gulf News-ը՝ հեռահաղորդակցությունների եւ թվային տեխնոլոգիաների ոլորտում (TDRA) պետական կարգավորող մարմինը եւ ԶԼՄ-ները կարգավորող մարմինը համատեղ հայտարարություն են տարածել՝ խնդրելով Netflix-ին հեռացնել երեխաների համար նախատեսված բովանդակությունը, որը խախտում է երկրում լրատվամիջոցների հեռարձակման կանոնները:

Խոսքը երեխաների համար վիրավորական բովանդակության մասին է, որը հակասում է սոցիալական արժեքներին եւ խախտում է ԱՄԷ-ում լրատվամիջոցների հեռարձակման կանոնները։

Երկու կազմակերպություններն էլ հայտարարել են, որ կհետեւեն ԱՄԷ-ում հեռարձակման կանոններին համապատասխանող բովանդակություն հեռարձակելու պլատֆորմի պարտավորությանը:

Նրանք անհրաժեշտ քայլեր կձեռնարկեն Netflix-ի դեմ, եթե այն հեռարձակի բովանդակություն, որը հակասում է հանրային արժեքներին եւ չի համապատասխանում երկրի կանոններին ու օրենքներին:

ԱՄԷ-ում արգելվում է վիրավորական բովանդակության հեռարձակումը, այդ թվում՝ ակնհայտ սեռական եւ բռնության բովանդակությունը: