Ուկրաինայում ԱՄՆ-ից, Կանադայից եւ Շվեդիայից վարձկաններ են զոհվել. Politico

ԱՄՆ-ի, Կանադայի եւ Շվեդիայի քաղաքացիներ են սպանվել են այս շաբաթ, երբ ռուսական տանկը կրակ է բացել նրանց վրա Դոնեցկի շրջանի արեւելյան մասի առաջնագծում ընթացած մի քանի ժամյա մարտերի ընթացքում, Politico-ին ասել է օտարերկրյա վարձկանների հրամանատար Ռուսլան Միրոշնիչենկոն։

Նա հայտնել է նաեւ զոհվածների անունները:

Միրոշնիչենկոյի խոսքով՝ այդ մարդիկ Ուկրաինայի Զինված ուժերի տարածքային պաշտպանության հատուկ գործողությունների ուժերի կազմում են եղել։ Նրանց ստորաբաժանումը տեղակայված է եղել Դոնեցկի մարզի արեւելյան մասում գտնվող Սիվերսկ քաղաքի մոտակայքում:

Փորձելով դանդաղեցնել ռուսական զորքի առաջխաղացումը՝ օտարերկրյա գրոհայինները տեղափոխվել են Գրիգորովկա գյուղ, որը գտնվում է Սիվերսկից երկու մղոն հյուսիս-արեւմուտք: Այնտեղ, ըստ Միրոշնիչենկոյի, վարձկաններին հանձնարարվել էր կրակային դիրքեր գրավել ու մաքրել ձորը, որտեղից ռուսական զորքերը ցանկանում են գետն անցնել:

Միրոշնիչենկոյի տվյալներով, վարձկաններ իրենց հանձնարարված գործառույթը լավ են իրականացրել, սակայն չեն խուսափել դարանակալած տանկից:

Ավելի վաղ ԱՄՆ Պետդեպարտամենտի ներկայացուցիչը հաստատել էր երկու ամերիկացիների մահը`առանց նրանց անունները հրապարակելու, իսկ Կանադայի եւ Շվեդիայի կառավարությունների հետ Politico-ն կապ հաստատել չի կարողացել: