Սրտի և արյան անոթների հիվանդությունները արագացնում են օրգանիզմի կենսաբանական ծերացումը։ Այս մասին HuffPost-ին հայտնել է ամերիկացի սրտաբան Սատյաջիտ Ռեդին։
Ռեդին նշել է, որ առողջ սիրտ և արյունատար անոթներ ունեցող մարդիկ ավելի դանդաղ են ծերանում և ավելի երկար են ապրում։
«Հաճախ նրանց կենսաբանական տարիքը պակաս է իրական տարիքից»,- ընդգծեց բժիշկը։
«Ծերացումը տարիքի և այնպիսի բաների արտացոլումն է, ինչպիսիք են գենետիկան, ապրելակերպը և շրջակա միջավայրը: Եթե մենք չենք կարող ազդել գենետիկայի և շրջակա միջավայրի վրա, ապա կարող ենք փոխել մեր ապրելակերպը»,- ասել է բժիշկը։
Սրտի առողջությունը պահպանելու համար Ռեդդին խորհուրդ է տվել ակտիվ ապրելակերպ վարել՝ հրաժարվել ծխելուց և բարձր վերամշակված սննդից:
Նա նաև խորհուրդ է տվել պարբերաբար վերահսկել և կարգավորել արյան շաքարը, խոլեստերինը և արյան ճնշումը:
Ըստ սրտաբանի՝ այս միջոցառումները վճռորոշ են, երբեմն նույնիսկ ավելի կարևոր, քան սրտանոթային հիվանդությունների գենետիկ նախատրամադրվածությունը։