Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։ 

«Բռնապետության դեմքը» խորագրի այսօրվա «հերոսը» Վահե Ղազարյանն է, ում ղեկավարությամբ ոստիկանությունը վերածվել է Փաշինյանի թիկնազորի՝ թերանալով իր ֆունկցիոնալ պարտականությունների կատարման գործում: 

Մի քանի փաստ 

Թերթում ենք վերջին օրերի լրահոսը ու կարդում ենք մի քանի տեղեկատվություն: Օրինակ. «...Գողացել են ոստիկանության բաժնում կայանված պարեկային ծառայության ավտոմեքենաների համարանիշերը» կամ  «դեկտեմբերի 15-ին կրակոցներ են հնչել Երևանում։ Ժամը 21։50-ի սահմաններում «Սուրբ Գրիգոր Լուսավորիչ» բժշկական կենտրոնից ՀՀ ՆԳՆ ոստիկանության Նոր Նորքի բաժին ահազանգ է ստացվել, որ «հրազենային վնասվածք, դեմքի շրջանի վնասվածք և գլխի վնասվածք» ախտորոշմամբ իրենց մոտ բուժօգնության է դիմել 3 քաղաքացի»:
Նման լուրերը դարձել են օրինաչափություն և վկայում են համակարգի ոչ պատշաճ կառավարման մասին: 

Երկիշխանությո՞ւն 

Վերջին օրերին ԶԼՄ-ներում ակտիվ լուրեր են շրջանառվում, թե իբրև անհաղթահարելի հակասություններ են առաջացել նախարար Վահե Ղազարյանի և նրա տեղակալ Արփինե Սարգսյանի միջև, ով վայելում է, այսպես կոչված, քաղաքացիական հասարակության կամ Սորոսի հիմնադրամից սնվող կառույցների աջակցությունը:
Սա լրացուցիչ ապացույց է այն բանի, որ Ղազարյանը հավուր պատշաճի չի վերահսկում նախարարության աշխատանքները:

Վահրամ Բագրատյան