Եվլախում աղջկան փախցրած տղամարդուն մահացած են գտել մեքենայի բեռնախցիկում։
35-ամյա Ազեր Գուլիեւը, ով ամուսնացած է եղել, առևանգել է իր սիրելիին՝ 27-ամյա Ն.Շ.-ին (անունը փոխված է): Երեկ աղջկա եղբայրները նրա հետևից եկել են Աբշերոնի շրջանի Գոբու գյուղ, հայտնել են տեղի ԶԼՄ-ները։
Նրանք ծեծել են Ազեր Գուլիեւին՝ պատճառելով վնասվածքներ, ապա պարանով կապել նրա ձեռքերն ու ոտքերը, տեղավորել ավտոմեքենայի բեռնախցիկում։ Տղամարդուն տեղափոխել են Եվլախ քաղաք, որտեղ բեռնախցիկից հանելիս պարզել են, որ նա մահացել է։
Միջադեպին ներգրավված բոլոր անձինք բերման են ենթարկվել։