Հայաստանի, Ֆրանսիայի, Գերմանիայի եւ Եվրոպական խորհրդի ղեկավարներ Նիկոլ Փաշինյանը, Էմանուել Մակրոնը, Օլաֆ Շոլցը եւ Շառլ Միշելը հանդիպում կունենան Գրանադայում՝ չնայած Ադրբեջանի նախագահ Իլհամ Ալիեւի բացակայությանը։ Այս մասին հայտարարել է ԵՄ բարձրաստիճան ներկայացուցիչը։
«Քառակողմ հանդիպումը տեղի կունենա ընթացիկ իրավիճակի քննարկման համար։ Կքննարկվի, թե ինչ կարող է անել Եվրամիությունը, հետագա աշխատանքի հեռանկարները Հայաստանի եւ Ադրբեջանի միջեւ հարաբերությունների կարգավորման ուղղությամբ, ինչպես նաև ԵՄ-Հայաստան օրակարգի խորացման գործնական միջոցները»։