Մոզամբիկի պատմության մեջ առաջին անգամ բնական հեղուկ գազի (LNG) խմբաքանակը առաքվել է համաշխարհային էներգետիկ շուկա, հաղորդում է Agence France-Presse-ը։

«Մեր երկիրը պատմական քայլ է արել. ակնկալվում է, որ բնական հեղուկ գազի առաջին խմբաքանակը կուղղվի ԵՄ սպառողներին», - ասել է Մոզամբիկի նախագահ Ֆիլիպե Նյուսին։

Հրատարակության տվյալներով՝ Մոզամբիկից վառելիքի առաջին խմբաքանակն ուղարկվել է Coral South լողացող հարթակից, որը միացված է վեց ստորջրյա գազի հորերին։ Դրանք տեղակայված են Ռովումայի տարածքում գտնվող օֆշորային դաշտում։ Այս վայրում հանքարդյունաբերությունը սկսվել է հուլիսին։

Հրատարակությունը հավելել է, որ հարթակը կարող է արտադրել տարեկան 3,4 միլիոն տոննա բնական գազ։ Պաշարները գնահատվել են 450 միլիարդ խորանարդ մետր գազ:

Նոյեմբերի 11-ին Եվրահանձնաժողովի (ԵՀ) աշնանային տնտեսական կանխատեսման վերաբերյալ զեկույցում նշվել է, որ Ռուսաստանից ԵՄ գազի ներկրումը հոկտեմբերին կազմել է 7%, հակառակ այն հանգամանքին, որ նախորդ տարիներին այդ ցուցանիշը եղել է 40%։ Այսինքն՝ դաշինքին հաջողվել է վառելիքի մատակարարումների առումով 33%-ով նվազեցնել իր կախվածությունը Մոսկվայից։ Նշվում է, որ LNG ներկրումը գրավիչ է դարձել գազի թանկացման շնորհիվ։ Տարածաշրջանը հիմնականում բնական հեղուկ գազ գնել է Ամերիկայի Միացյալ Նահանգներից։

NEWS.am