Bloomberg-ը և Politico-ն հրապարակել են սահմանափակող միջոցների առաջին մանրամասները, որոնք, հավանաբար, կլինեն Մոսկվայի դեմ ԵՄ նոր՝ տասներորդ պատժամիջոցների փաթեթի մաս։

ԵՄ պատժամիջոցների տասներորդ փաթեթը, որը նախատեսվում է ընդունել Ուկրաինայում Ռուսաստանի սկասած ռազմական օպերացիայի տարեդարձի օրը, կարող է ներառել ևս չորս ռուսական բանկ և հարյուրից ավելի ֆիզիկական և իրավաբանական անձինք, այդ թվում՝ զինվորականներ, պաշտոնյաներ, և ռուսական պետական   լրատվամիջոցների լրագրողներ. հայտնում է Politico-ն։

ԵՄ-ում նախապատրաստվող սահմանափակումների թվում Politico-ն և Bloomberg-ը նշել են.

- պատժամիջոցներ Ռուսաստանի ևս չորս բանկերի նկատմամբ, այդ թվում՝ Alfa-Bank-ը, որը պատկանում է Մեծ Բրիտանիայի քաղաքացի Միխայիլ Ֆրիդմանին.

- Ռուսաստանի քաղաքացիների՝ ԵՄ «կարևոր ենթակառուցվածքային ընկերությունների» տնօրենների խորհուրդներում աշխատանքի արգելք, այդ թվում՝ էներգակիրների արդյունահանման, արտադրության և մատակարարման ոլորտում.

- Եվս 130 ռուս կարող է ներառվել ԵՄ պատժամիջոցների ցուցակում։  Նրանց թվում են ռուսական ռազմական հրամանատարության ներկայացուցիչներ, ինչպես նաև ընկերություններ և անհատներ այլ երկրներում, որոնք առնչություն ունեն Ռուսաստանի զինված գործողություններին կամ կապված են Վագների հետ։  Պաշտոնյաներ, որոնք նշանակվել են Մոսկվայի կողմից Ռուսաստանի կողմից «օկուպացված» ուկրաինական տարածքներում։ 

- Ինչպես նաև քարոզչական լրատվամիջոցների, մասնավորապես RT-ի աշխատակիցները;

- ԵՄ ռուսական կաուչուկի, ինչպես նաև ասֆալտի կամ բիտումի (կամ այլ նավթամթերքի) ներմուծման լրացուցիչ արգելք.
 
- Ռուսաստանի Դաշնություն բեռնատարների և այլ ծանր տրանսպորտային միջոցների ներմուծման արգելք, ինչպես նաև շինարարական սարքավորումների ներմուծման արգելք.

- լրացուցիչ արգելք էլեկտրոնային բաղադրիչների արտահանման վրա, որոնք Ռուսաստանը կարող է օգտագործել զենք արտադրելու համար։ 

Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ պատժամիջոցների տասներորդ փաթեթը, ի թիվս այլ բաների, պետք է ներառի Ռուսաստանին «ապրանքների» մատակարարման արգելքներ, որոնց այլընտրանք գրեթե անհնար է գտնել։  Խոսքն առաջին հերթին ապրանքների ու տեխնիկայի մասին է, որոնք անհրաժեշտ են ռուսական ռազմարդյունաբերական համալիրին։