Ամերիկայի Միացյալ Նահանգների փոխնախագահ Կամալա Հարրիսը նախագահական ընտրություններում պարտվելուց հետո կարող է դառնալ ԱՄՆ Գերագույն դատարանի դատավոր։
Այս մասին հայտնում են CNN-ը, Newsweek-ը և Politico-ն։
Հարրիսը կարող է ցմահ սկզբունքով լինել դատավոր, եթե ներկայիս դատավոր Սոնյա Սոտոմայորը կամավոր թոշակի գնա: Սոթոմայորը, որն այժմ 70 տարեկան է, այս պաշտոնում նշանակվել է Բարաք Օբամայի օրոք, իսկ այժմ առողջական լուրջ խնդիրներ ունի։
Հարրիսին դատավոր նշանակելու համար Բայդենը պետք է ներկայացնի նրա թեկնածությունը, իսկ Սենատը պետք է հաստատի նրան: Սենատում դեմոկրատներն այժմ նվազագույն առավելություն ունեն՝ 51, իսկ հանրապետականներն ունեն 49 մանդատ:
Բայդենի լիազորությունների ժամկետը լրանում է 2025 թվականի հունվարին, այդ ժամանակ Սենատը կանցնի հանրապետականների վերահսկողության տակ։ Եթե Սոտոմայորը հրաժարական տա միայն նախագահի փոփոխությունից հետո, Գերագույն դատարանի աթոռը, ամենայն հավանականությամբ, կզբաղեցնի պահպանողական դատավոր, ինչը կարող է շեղել Գերագույն դատարանի հավասարակշռությունը հօգուտ հանրապետականների: