Ամեն օր կիվի ուտելը կարող է չորս օրվա ընթացքում բարելավել վիտամին C-ի ցածր մակարդակ ունեցող մարդկանց տրամադրությունը: Այս եզրակացության են եկել Օտագոյի համալսարանի գիտնականները, գրել է British Journal of Nutrition (BJN) պարբերականը։

Հետազոտությանը, որը տևել է ութ շաբաթ, մասնակցել է 155 չափահաս բուժառու՝ վիտամին C-ի ցածր մակարդակով: Նրանք ընդունել են վիտամինային հավելումներ, պլացեբո կամ ամեն օր երկու կիվի են կերել:

Այս միրգը բարելավել է մարդկանց տրամադրությունն ու կենսուրախությունն ընդամենը 4 օրում։ Առավելագույն ազդեցությունը նկատվել է 14-ից 16-րդ օրերին: Վիտամին C-ն բարելավել է տրամադրությունը, բայց աննշան:

Փորձագետների կարծիքով՝ հետազոտության արդյունքները ցույց են տալիս մարդկանց համար իրենց մտավոր բարեկեցությանն աջակցելու արդյունավետ և մատչելի միջոց: