Չինուհին ոստիկանություն է կանչել, քանի որ իր սիրելին «առանց պատճառի» լքել էր իրեն, գրում է Mirror-ը։
Ըստ լրատվամիջոցի՝ կինը ոստիկաններին ասել է, որ իր ընկերոջ հետ հանդիպել է մոտ վեց տարի, սակայն վերջինս հեռացել է՝ չբացատրելով պատճառը։ Չինուհին սպաներին խնդրել է պարզել նրա դրդապատճառները և իմանալ, թե որն է եղել հարաբերությունների խզման կատալիզատորը։
«Ես պարզապես չեմ կարող հասկանալ, թե ինչու նա դա արեց ինձ հետ», - բողոքել է նա ոստիկաններին:
Ոստիկանները փորձել են հանգստացնել կնոջը՝ նրան պատմելով հին չինական ասացվածք, որը վերաբերում է այն մարդկանց, ովքեր հրաժարվում են հանձնվել այնքան ժամանակ, մինչև որ չեն հասկանում, որ իրենց ջանքերն ապարդյուն են:
Բացի այդ, սպաներից մեկը զրուցել է կնոջ հետ և խորհուրդ տվել երջանիկ լինել, քանի որ եթե ընկերը դա արել է նրա հետ, ապա, ամենայն հավանականությամբ, նա վատ մարդ է, ուստի չինուհին պետք է ուրախանա, որ նա անհետացել է իր կյանքից։