Ղազախստանի ազգային էկոնոմիկայի նախկին նախարար Կուանդիկ Բիշիմբաեւը, ով սպանել է իր կնոջը, բանտում խրախուսական միջոցներ է պահանջում։
Նա դատական հայց է ներկայացրել իր նկատմամբ «կողմնակալ» վերաբերմունքի համար։
Սալթանատ Նուկենովայի աղմկահարույց սպանության համար 24 տարվա ազատազրկման դատապարտված նախկին պաշտոնյան կարծում է, որ իր նկատմամբ անարդար են վարվում բանտային գաղութում և չեն պարգևատրվում միջոցառումներին ակտիվ մասնակցելու համար, օրինակ՝ շախմատի մրցաշարում հաղթելու համար, գրել են ղազախական լրատվամիջոցները։
Նախկին նախարարը ցանկանում է խրախուսանքի միջոցով ավելացնել ծնողների հետ այցելությունների թիվը, սակայն գաղութը թույլ չի տվել դա խախտման պատճառով. Կուանդիկ Բիշիմբաեւը սխալ տեղում է գիրք կարդացել։ Այն ժամանակ նախկին պաշտոնյան հայց է ներկայացրել դատարան, սակայն միջնորդությունը չի բավարարվել եւ հայցը վերադարձվել է։