Երեք մարդ է զոհվել, երբ Ռուսաստանի Օրսկ քաղաքը հեղեղվել է ամբարտակը վնասվելուց հետո։ Նրանցից 2-ի մարմինները հայտնաբերվել են Հին քաղաքում։ Եւս մեկ դի է հայտնաբերվել ջրհեղեղի գոտում ամբարտակի կոտրումից հետո: Գրել է SHOT տելեգրամյան ալիքը։

Մինչդեռ տները շարունակում են ջրի տակ մնալ։ Տանիքներում մարդիկ օգնության են սպասում։

Ուրալ գետում ջրի մակարդակն 9,27 մ է։ Տեղական իշխանությունների տվյալներով՝ հեղեղումների իրավիճակը արագորեն զարգանում է դեպի վատթարացում, և ջուրը կվերանա 1,5-2 շաբաթից ոչ շուտ։

Օրսկում ամբարտակի վրա երկու վնաս է եղել, առայժմ միայն մեկ վայրում է հնարավոր դադարեցնել հոսքը։

Վերջին ժամերին տեղ-տեղ ջուրը բարձրացել է գրեթե 4 մետրով։

Ջրով են լցվել քաղաքի 9 փողոցների ավելի քան 600 տուն և 1400 կենցաղային հողատարածք։

Հին քաղաքը գետերի վարարումներից պաշտպանող ամբարտակը չի կարողանում հաղթահարել ջրի հոսքը:

Ընդհանուր առմամբ, Օրենբուրգի մարզում ջրի տակ է անցել 2556 բնակելի շենք, տարհանվել է 4208 մարդ (այդ թվում՝ 1019 երեխա)։

Տեսանյութն այստեղ