Երկու ամսում Ադրբեջանի և Գերմանիայի միջև առևտրաշրջանառությունը եռապատկվել է, ասել է Ադրբեջանի նախագահ Իլհամ Ալիեւն իր գերմանացի գործընկեր Ֆրանկ-Վալտերի Շտայնմայերի հետ հանդիպման ժամանակ։
«Միանգամայն վստահ եմ, որ այս այցը նոր դրական լիցք կհաղորդի մեր հարաբերություններին... Տնտեսական ոլորտում ձեռք բերված արդյունքները, բնականաբար, ոգեշնչում են մեզ, քանի որ այս տարվա հունվար-փետրվարին մեր ապրանքաշրջանառությունն աճել է գրեթե երեք անգամ», - ասել է Ալիեւը։
Գերմանիայի նախագահն ասել է, որ վերջին 30 տարվա ընթացքում մեծ ջանքեր են պահանջվել հակամարտությունը կարգավորելու, հարաբերությունները վերականգնելու, խաղաղության համաձայնագիրը համաձայնեցնելու համար:
«Պաշտոնական Բեռլինի ուղիղ և հստակ դիրքորոշումը այն է, որ Ղարաբաղը Ադրբեջան է»,- հայտարարել է Գերմանիայի նախագահը:
«Մենք միշտ ասել ենք, որ դա ձեր տարածքն է և այսօր ևս հաստատում ենք Գերմանիայի դիրքորոշումը», - ասել Է Շտայնմայերը։
Գերմանիայի նախագահը Ադրբեջանին և Հայաստանին շնորհավորել է խաղաղության պայմանագրի տեքստի համաձայնեցման կապակցությամբ:
«Համաձայնագրի համար հրաշալի պահ է եկել։ Եվ այն պետք է անպայման օգտագործել. համաձայնագրի ստորագրումից հետո դեռ շատ տարիներ կպահանջվեն, որպեսզի այն իրականություն դառնա: Հուսալի հաշտեցման համար երկար ժամանակ է հարկավոր։ Եվ առաջին քայլը խաղաղության համաձայնագրի ստորագրումն է։ Ես հավատում եմ, որ դա տեղի կունենա»,- հայտարարել է Ֆրանկ-Վալտերի Շտայնմայերը։
Իլհամ Ալիեւը Գերմանիայի նախագահի հետ մամուլի ասուլիսին ասել է, որ այսօր «Ադրբեջանի և Հայաստանի դիրքորոշումները խաղաղության հասնելու հարցում բավականին մոտ են դարձել»։
«Ես հայտարարեցի, որ Ղարաբաղյան Երկրորդ պատերազմի ավարտից հետո Ադրբեջանն ու անձամբ ես նախաձեռնել ենք խաղաղության բանակցությունների մեկնարկը: Այդ ժամանակ ոչ Հայաստանը, ոչ էլ այն ժամանակ ԵԱՀԿ Մինսկի խումբը նման առաջարկ չեն ներկայացրել: Այս առաջարկն արվել է ադրբեջանական կողմի կողմից»,- ասել է Ալիեւը: