Ուկրաինայի եվրոպական և եվրատլանտյան ինտեգրման հարցերով փոխվարչապետ Օլգա Ստեֆանիշինան հայտարարել է, որ ԱՄՆ-ի հետ բնական ռեսուրսների օգտագործման մասին համաձայնագիրը դեռ քննարկվում է։
Այդ մասին նա ասել է Վարշավա կատարած այցի ժամանակ, գրել են ԶԼՄ-ները։
Փոխվարչապետի խոսքով՝ Ուկրաինան «չի մերժել» ԱՄՆ-ի առաջարկած համաձայնագիրն օգտակար հանածոների վերաբերյալ։
«Մենք ակնկալում ենք, որ այն կստորագրվի»,- ասել է նա։
Լրատվամիջոցների տեղեկություններով՝ Դոնալդ Թրամփի վարչակազմն առաջարկել է Ուկրաինային տրամադրել ԱՄՆ-ին երկրի հազվագյուտ հողային հանքանյութերի սեփականության 50%-ը, սակայն նախագահ Վլադիմիր Զելենսկին հրաժարվել է ստորագրել փաստաթուղթը։ Սպիտակ տունը որոշումն անվանել է «անհեռատես»։
Փետրվարի 14-ին Մյունխենում ամերիկյան կողմն Ուկրաինայից պահանջել էր անհապաղ համաձայնել «ընդերքն օգնության դիմաց» համաձայնագրի իրենց տարբերակին և դրա հետ կապել փոխնախագահ Ջեյ Դի Վենսի հետ հանդիպման հնարավորությունը, սակայն Կիեւի մերժումից հետո ճնշումը դադարեցվել է, և հանդիպումը, այնուամենայնիվ, կայացել է։