Ռուսաստանի Դաշնության ԱԳՆ պաշտոնական ներկայացուցիչ Մարիա Զախարովան իր տելեգրամյան ալիքում մեկնաբանել է Ռուսաստանին ուղղված մեղադրանքները՝ կապված Օդեսայի նավահանգստում հրթիռային հարվածների հետ։
«Վոլոդիմիր Զելենսկին Օդեսայի նավահանգստի գնդակոծությունն անվանել է «ռուսական բացահայտ բարբարոսություն»: Եթե որեւէ մեկը դեռ կասի, որ Ռուսաստանի հետ ինչ-որ երկխոսություն է հարկավոր, տեսեք, թե ինչ է կատարվում։ «Կալիբր» հրթիռները ոչնչացրել են նման հայտարարությունների հնարավորությունը», - գրել է Զախարովան։
Նա հավելել է, որ «Կալիբր» հրթիռները ոչնչացրել են Օդեսայի նավահանգստի ռազմական ենթակառուցվածքը՝ բարձր ճշգրտության հարված հասցնելով:
Հիշեցնենք, որ ավելի վաղ Ուկրաինան եւ ԱՄՆ-ը Ռուսաստանին մեղադրել էին Օդեսայի նավահանգստի ուղությամբ իրականացված հրթիռային հարձակումների համար։