Այսօր՝ դեկտեմբերի 2-ին, խոշոր ավտովթար է տեղի ունեցել Սյունիքի մարզում: Ժամը 11:10-ի սահմաններում Իրանի Իսլամական Հանրապետության քաղաքացի Հասան Տոռաբը իր բարած «Foton» մակնիշի բեռնատարով, դեռևս անհայտ հանգամանքներում, Տաթև-Լծեն ավտոճանապարհին դուրս է եկել երթևեկելի գոտուց և կողաշրջվել:
 
Ինչպես հայտնում է ֆոտոլրագրող Գագիկ Շամշյանը, վթարի հետևանքով ուղևոր, Իրանի Իսլամական Հանրապետության քաղաքացի Սաբեռ Հասան Վանդին մարմնական վնասվածքներով տեղափոխվել է «Սիսիան» բժշկական կենտրոն:

Վարորդին և վիրավորին առաջինը օգնության են հասել քաղաքացիները և ըստ քաղաքացիների հայտնածի՝ օպերատիվ են գործել «Սիսիան» բժշկական կենտրոնի շտապօգնութան բժիշկների հերթապահ խումբը:  

Վթարի փաստով Սիսիանի քննչական բաժնում նախաձեռնվել է քրեական վարույթ: