Այսօր՝ հուլիսի 18-ին, շղթայական ավտովթար է տեղի ունեցել Երևանում: Ժամը 10:20-ի սահմաններում Մյասնիկյան պողոտայում թիվ 14 հասցեի հարևանությամբ բախվել են «Ford Transit», «Mitsubishi», «Opel Astra» և «Suzuki» մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի, ով անչափահաս է, բժշկական օգնություն ստանալու նպատակով տեղափոխվել է «Սուրբ Աստվածամայր» բժկական կենտրոն:
Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ պարզվում են վարորդների և վիրավորի ինքնությունը և հնարավոր է՝ կազմված փաստաթղթերը փոխանցվեն ՀՀ քննչական կոմիտեի Երևան քաղաքի քննչական վարչության Ճանապարհատրասնպորտային հանցագործությունների քննության բաժին:
Գ. Շամշյանի տեղեկություններով՝ հիվանդանոց տեղափոխվածը 11-ամյա տղա է: