Մենք ապրում ենք ողբերգական ժամանակներում, երբ պատերազմը կոչվում է խաղաղություն, երբ ազգային արժեքների փլուզումը կոչում են նոր Հայաստանի ստեղծում։ Մարդկանց դաժանորեն խաբում են, ժողովրդավարության բաստիոն հռչակված երկրում կալանավորումը, որպես վրեժխնդրության միջոց, կիրառում են և արդարադատություն խաղում անգամ իրենց յուրայինների դեպքում։ Այս մասին ԱԺ հայտարարությունների ժամին հայտարարեց «Հայաստան» խմբակցության պատգամավոր Արեգնազ Մանուկյանը։
«Քաղաքացու քվեն դառնում է զրո, քանի որ կեղծում են մարդկանց քվեն արդեն հետընտրական գործընթացի ժամանակ։ Երբ համայնքներում պարտվել է ՔՊ-ն, հաղթողներին կա՛մ կալանավորել են, կա՛մ սկսել են ավագանիներին տերորի ենթարկել ու ընտրության արդյունքները վերանայել։ Հիմա հերթը հասել է Երևանին, քաղաքապետի պաշտոնը զավթելուց հետո ՔՊ-ն անցել է ընդդիմադիր ավագանիներին մանդատից զրկելու օպերացիային։ Նիկոլ Փաշինյանին, բացի թանկացումները մարսելու նպատակից, պետք է Ալիևի օրակարգը սպասարկելու համար։ Փաշինյանը հիմա դարձել է նյարդային ու կասկածամիտ, վախենում է բոլորից»,- ասաց Մանուկյանը։
Մանրամասները՝ տեսանյութում