Մեծ Բրիտանիայում մարդիկ սկսել են գրկել կովերին՝ անհանգստությունը նվազեցնելու և սթրեսը թուլացնելու համար: The Guardian-ը գրում է հոգեկան հանգստություն գտնելու այս անսովոր միջոցի մասին։
Ֆերմայի սեփականատեր Ֆիոնա Ուիլսոնն ասել է, որ կովերի հետ թերապիայի սեանսներ անցկացնելու գաղափարն իր մոտ ինքնաբերաբար է ծագել:
Կնոջ խոսքով՝ ջրհեղեղից հետո ինքը ստիպված է եղել կրճատել կաթնատու կովերի թիվը, սակայն նա այնքան է կապվել մի քանի տարեց կովերի հետ, որ չի կարողացել ազատվել նրանցից ու որոշել է դրանք իր համար պահել։ Այժմ այս կենդանիները օգնում են մարդկանց հանգստանալ և թեթևացնել անհանգստությունը։
Ուիլսոնն ասել է, որ կովերը մի քանի ամիս են անցկացրել՝ «տիրապետելով» իրենց նոր մասնագիտությանը, ընտելանալով անծանոթ մարդկանց և սովորել հանգիստ վարվել նրանց շրջապատում:
Ֆերմերը պատմել է, որ կովի ծառայությունները շատ արագ տարածված են դարձել ոչ միայն բրիտանացիների, այլեւ այլ երկրների այցելուների շրջանում։ Մեկ սեանսի արժեքը 50 ֆունտ է, այս գումարի դիմաց այցելուները կարող են երեք ժամ գրկել և խոզանակել կովին, հորթերի հետ շրջել ֆերմայում։