Մերգելյանի այգով անցնելիս տպավորություն է, թե համակարգչային խաղի հերթական փուլն ես հաղթահարում․ նախ, պետք է դիմանաս աղմուկին ու փոշուն, ապա հմտորեն շրջանցես ճանապարհին ընկած քարերը։
Մոտ մեկ ամիս է՝ այգու տարածքում այս վիճակն է․ հետագա բարեկարգման համար հիմա քանդման աշխատանքներ են տարվում։ Ըստ քաղաքապետարանի՝ ամեն ինչ արվում է երևանցու համար։
«Այս պահին քանդման աշխատանքներ են իրականացվում, որոնք շինարարություն, փոշու ծավալ չեն ենթադրում, դրանք ավելի շատ ապամոնտաժում են ենթադրում, ընդ որում՝ մետաղական կոնստրուկցիաների: Այսինքն, փոշի չի բարձրանալու, որ տարածքը պաստառներով փակելու անհրաժեշտություն լինի։ Առաջիկայում, երբ այգին համապատասխանեցվի սմարթ այգու չափանիշներին, կահավորվեն խաղահրապարակներ ու կառուցվեն ջրավազաններ, այլ հանգույցներ, շինաշխատանքների ընթացքում պարտադիր կկիրառվեն պաստառներ՝ ելնելով տարածքը առանձնացնելու կամ փակելու նորմատիվ պահանջներից»,- նշում են քաղաքապետարանից։
Արաբկիրի թաղապետարանից ևս շտապում են հանգստացնել քաղաքացիներին՝ ասելով, թե այս վիճակը երկար չի տևի՝ 15 օր։
Մանրամասները՝ տեսանյութում։