Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Երևան-Սևան ճանապարհին մեքենան հայտնվել է գազալցակայանում՝ բախվելով պատին․ կան վիրավորներ

Blog Image

Այսօր՝ դեկտեմբերի 16-ին,  խոշոր ավտովթար է տեղի ունեցել Կոտայքի մարզում։ Ժամը 19։30-ի սահմաններում «Mercedes» մակնիշի ավտոմեքենան, Երևան-Սևան ավտոճանապարհի 22 կմ հատվածում, դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել գազալցակայանի լիցքավորման կետերի բաժանար պատին։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի տարբեր աստիճանի մարմնական վնասվածքներով տեղափոխվել են «Աբովյան» բժշկական կենտրոն։

Վիրավորներին առաջինը օգնություն են հասել գազալցակայանի աշխատակիցները և ըստ դեպքի վայրում հավաքվածների ՀՀ Ներքին գործերի նախարարության փրկարար ծառայություն հատուկ նշանակության փրկարարական աշխատանքների իրականացման կենտրոնի փրկարարները, ովքեր նաև օգնել են բժիշկներին վիրավորներին տեղափոխել շտապօգնության ավտոմեքենաները։

Փրկարարները այնուհետև հոսանքազրկել են ավտոմեքենան և փակել գազաբալոնի փականը։

Դեպքի փաստով Աբովյանի քննչական բաժնում նախաձեռնվել է քրեական վարույթ, որտեղ էլ պարզվում են վարորդի և վիրավորների ինքնությունը։
 

Send