Ստամբուլում միջքաղաքային ավտոբուսի հետ վթարի հետևանքով երկու մարդ է զոհվել, ևս 15-ը վիրավորվել, հայտնում է DHA գործակալությունը։
Ստամբուլի Էսենլեր թաղամասում՝ ավտոկայանի մոտ, տեղական ժամանակով ժամը 06.40-ին անձրևից հետո Իզմիր-Ստամբուլ երթուղով ընթացող ավտոբուսը, 33 ուղևորներով շրջվել է թաց ճանապարհին։
«Երկու ուղևոր մահացել է, ևս 15-ը վիրավորվել են, որոնցից մեկի վիճակը ծանր է»,- հայտնում է գործակալությունը։
Աղբյուրի խոսքով՝ ավտոբուսի երկու վարորդ բերման են ենթարկվել։