Բելառուսի նախագահ Ալեքսանդր Լուկաշենկոն ժամանել է Սանկտ Պետերբուրգ, հայտնում է «Пул первого» Telegram ալիքը։

Ավելի վաղ Բելառուսի նախագահի մամուլի ծառայությունը հայտնել էր Ռուսաստան կատարվելիք այցի և ռուսական պետության ղեկավար Վլադիմիր Պուտինի հետ տարբեր ձևաչափերով բանակցությունների մասին։

Ըստ մամուլի ծառայության՝ պետությունների ղեկավարները կքննարկեն բելառուս-ռուսական հարաբերությունների զարգացման, միութենական նախագծերի առաջմղման, տարածաշրջանային անվտանգության խնդիրներն ու միջազգային օրակարգը: