Ավստրալուհին 5 տարում նիհարել է 146 կիլոգրամով սննդակարգի փոփոխության և վարժությունների շնորհիվ։ Գրել է The Sun-ը։
Վիկտորյա նահանգի Մելբուրն քաղաքից 34-ամյա Ջեսիկա Ֆերրոն նախկինում կշռել է 228 կիլոգրամ: Կնոջ խոսքով՝ ինքը ամեն օր ու մեծ քանակությամբ արագ սնունդ, քաղցրավենիք ու խորտիկներ է կերել։ Ավելորդ քաշի պատճառով նրա մոտ առողջական խնդիրներ են առաջացել՝ արյան բարձր ճնշում, շնչառության դժվարություն, մեջքի ու հոդերի ցավեր։
Ֆերոն խոստովանել է, որ ատում է իր մարմինը և անհանգիստ ու ընկճված է։ Նա կոտրել է կահույքը և չի տեղավորվել ինքնաթիռի նստատեղերում, քանի որ շատ ծանր է եղել, ինչպես նաև վիրավորանքներ է ստացել տղամարդկանց կողմից։
Կինը պատմել է, որ նիհարելու մեկնարկային կետը հոր կորուստն է եղել։ Տղամարդը նաև շատ գիրություն է ունեցել, ինչի պատճառով սրտի կաթված է ստացել։
Ֆերոյի խոսքով՝ իր հայրը ալկոհոլ և ծխախոտ չի օգտագործել, սակայն, ինչպես նա, անընդհատ ֆասթֆուդ է կերել և չի հետևել իր սննդակարգին։