ԱՄՆ Սենատում սահմանվել է ամենաերկար ելույթի նոր ռեկորդ։
Դեմոկրատ Քորի Բուքերը երկուշաբթի երեկոյան դուրս է եկել Սենատի նիստերի դահլիճ՝ հայտարարելով, որ այնտեղ կմնա այնքան, որքան ֆիզիկապես կարող է:
Սենատորն իր ելույթն ավարտել է 25 ժամ 5 րոպե անց՝ խոսելով ԱՄՆ նախագահի առաջին հրամանագրերի հետեւանքների եւ Գրենլանդիան ու Կանադան միացնելու ցանկության մասին։
Բուքերը գերազանցել է ամենաերկար ելույթի նախկին ռեկորդը, որը սահմանել էր 1957 թվականին սենատոր Սթրոմ Թուրմոնդը՝ ելույթ ունենալով 24 ժամ 18 րոպե։
Բուքերը լրագրողներին պատմել է, թե ինչպես է պատրաստվել իր ելույթին։ Քաղաքական գործչի խոսքով՝ զուգարան գնալուց խուսափելու համար նա անցյալ ուրբաթ դադարել է ուտել և իր ելույթի նախօրեին է խմել։