ԱՄՆ նախագահ Ջո Բայդենը Կամբոջան շփոթել է Կոլումբիայի հետ։ Reuters-ի փոխանցմամբ՝ ելույթ ունենալով Պնոմպենում ASEN-ի գագաթաժողովում, Բայդենը Կամբոջան Կոլումբիա է անվանել։
«Հիմա, երբ մենք կրկին միասին ենք այստեղ՝ Կամբոջայում, հուսով եմ՝ կհասնենք ավելի շատ առաջընթացի, քան արդեն հասել ենք, եւ ուզում եմ շնորհակալություն հայտնել Կոլումբիայի վարչապետին՝ ASEAN-ում որպես նախագահ նրա ղեկավարության եւ մեզ բոլորիս հյուրընկալելու համար»,- Պնոմպենում Հարավարեւելյան Ասիայի պետությունների ասոցիացիայի իր գործընկերների հետ հանդիպման ժամանակ ասել է Բայդենը:
Նա նկատի է ունեցել Կամբոջայի վարչապետ Հուն Սենին։
Բայդենը նման վրիպում էր թույլ տվել նաեւ վերջերս Սպիտակ տանը լրագրողների հետ զրույցի ժամանակ։