Չինացի արտադրողները ծրագրում են շրջանցել ԱՄՆ-ի մաքսատուրքերը՝ արտադրությունը տեղափոխելով այլ երկրներ, գրել է «Financial Times»-ը՝ վկայակոչելով չինացի արտադրողներին։

«Չինացի արտադրողներն ասում են, որ կարագացնեն արտադրությունն այլ երկրներ տեղափոխելու տեմպերը՝ ԱՄՆ-ի մաքսատուրքերը շրջանցելու համար»,- գրել է հրատարակությունը։

Ավելի վաղ ԱՄՆ նախագահ Դոնալդ Թրամփը հրամանագրեր է ստորագրել Կանադայից, Մեքսիկայից և Չինաստանից ապրանքների վրա մաքսատուրքեր սահմանելու մասին։ Կանադայից բոլոր ապրանքների վրա 25% մաքսատուրքեր են սահմանվում, բացառությամբ էներգառեսուրսների, որոնց դրույքաչափը կկազմի 10%։

Չինական ապրանքների համար 10% մաքսատուրքեր են սահմանվում՝ ի լրումն ԱՄՆ չինական ապրանքների ներմուծման համար արդեն գործող մաքսատուրքերի։

Մեքսիկայից ապրանքների մաքսատուրքերը նույնպես կկազմեն 25%, սակայն երկուշաբթի Թրամփը հայտարարել էր մեկ ամսով ժամանակավոր դադարեցման մասին՝ երկրի իշխանությունների հետ բանակցություններ վարելու համար։