Թբիլիսիում ցուցարարները հավաքվել են խորհրդարանի շենքի մոտ՝ ընդդեմ Վրաստանի և Ռուսաստանի միջև օդային հաղորդակցության վերականգնման։

Այսօր վերջին չորս տարվա ընթացքում առաջին ուղիղ չվերթը Ռուսաստանից ժամանել է մայրաքաղաք։ Թռիչքի թույլտվություններն արդեն ստացել են Red Wings-ը, Azimuth-ը և Georgian Airways-ը։

Օրվա ընթացքում ցուցարարներ են եղել նաեւ օդանավակայանի մոտ, նրանցից մի քանիսը բերման են ենթարկվել ոստիկանական շղթան ճեղքելու փորձից հետո։

Վրաստանի իշխանությունները, ի պատասխան ընդդիմության բողոքի, ընդգծում են, որ Ռուսաստանի Դաշնության հետ ուղիղ չվերթների վերականգնումը կարևոր է խաղաղության պահպանման, տնտեսական զարգացման և առաջընթացի համար։

Տեսանյութը՝ այստեղ