Էկոնոմիկայի նախկին նախարար Վահան Քերոբյանին կալանավորելու միջնորդություն է ներկայացվել. լրագրողների հետ զրույցում նշել է փաստաբանը։
Նա տեղեկացրել է, որ Քերոբյանն իրեն ներկայացված մեղադրանքը չի ընդունում։
«Այն հիմքերը, որոնք բերված են հետապնդման որոշման մեջ և որոնք արտացոլված են դատարան ներկայացվող միջնորդության մեջ, բավականին թույլ են։ Այն հետևությունները կամ եզրահանգումները, որոնք նշված են, կարծում ենք՝ չեն համապատասխանում իրականությանը, հիմնականում ենթադրությունների մակարդակում են՝ մեր գնահատմամբ»,- ասել է փաստաբանը։
Հիշեցնենք, որ Քերոբյանը զբաղեցրած պաշտոնից ազատվել էր երեկ։
Ավելի վաղ հայտնել էինո, որ Էկոնոմիկայի նախկին նախարար Վահան Քերոբյանի նկատմամբ քրեական հետապնդում է հարուցվել: Նա այն ութ անձանցից մեկն է, ում մեղադրանք է առաջադրվել: