Ինդոնեզական Լումաջանգ թաղամասում բախվել են գնացքը և միկրոավտոբուսը, ինչի հետևանքով մահացել է միկրոավտոբուսի 15 ուղևորներից 11-ը, իսկ մյուս չորսը՝ վիրավորվել. հայտնում է ինդոնեզական Kompas TV հեռուստաալիքը։

Աղբյուրի փոխանցմամբ, դեպքը տեղի է ունեցել կիրակի երեկոյան, երբ միկրոավտոբուսն անցնում էր չհսկվող երկաթուղային անցումով։ Բախումն անխուսափելի է եղել:

Ինդոնեզիայի տրանսպորտի նախարարության տվյալներով՝ երկրում գնացքների վթարների մինչև 85%-ը տեղի է ունենում չհսկվող անցումներում։ Մահվան ելքով պատահարների թիվը 1000 անցման համար կազմում է 40,47: