Այսօր՝ հունիսի 19-ին, արտակարգ դեպք է տեղի ունեցել Արագածոտնի մարզում։ Ժամը 16։00-ի սահմաններում Երևան-Գյումրի-Բավրա ավտոճանապարհի 42 կմ հատվածով ոռոգման ջրի խողովակը դեռևս անհայտ հանգամանքներում ընկել է հենասյան վրայից և մասամբ հայտնվել երթևեկելի գոտում։

Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների բարեբախտաբար տուժածներ չկան։

Ահազանգով ժամանել են նաև ճանապարհն սպասարկող ընկերության ներկայացուցիչները, ովքեր վերամբարձ կռունկի օգնությամբ խողովակը հեռացրել են։